We Summon The Darkness NETFLIX-ah a en theih

Alexandra Daddario leh Maddie Hasson-te channa American horror thriller film 'We Summon The Darkness' chu Netflix-ah en theihin kar tawp liam taah khan dah a ni a, Netflix subscriber-te tan chuan ngaihven ran chi a nih hmel.

'We Summon The Darkness' hi hri len tak tak hma February thla tawpah khan Mammoth Film Festival-ah premier a ni a, hrileng vanga theatre tam ber khar  a nih avangin Saban Films chuan digital leh on-demand-in US-ah April 10, khan a tlangzarh a, tunah chuan Netflix lamah pawh en theihin a awm leh ta a ni.

Kum 1988 vela thil thleng anga chan niin  Rotten Tomatoes chuan review 64 aṭangin 69% ratings a pe tawh. A changtute an ṭha a, Alexandra Daddario hi chu kan hre ṭheuhin a rinawm, Percy Jackson leh Bay Watch lamah pawh kan hmuh tawh kha a ni a, tin, Maddie Hasson hi YouTube original series Impulse-a Henry lema chang kha  a ni bawk. Anni bakah hian Keean Johnson leh Amy Forsyth-te pawh an inlan bawk a ni.