Vanglaini - Salman Khan-a'n Big Boss 13 episode khat zelah Rs. vbc. 13 hlawh dawn

KHAWTHLIR

Zoonosis Day

Nimin khan Mizorama a vawi khat nan Health Services directorate conference hall-ah World Zoonosis Day hman a ni a, Health & Family Welfare Department Board vice chairman ZR Thiamsanga, MLA-in a hmanpui. Dr ZR Thiamsanga chuan, Zoonosis natnate chungchangah theihtawp chhuaha hma la zel turin sorkar a inhuam thu a sawi. World Zoonosis Day hi July 6-ah hman ṭhin a ni a, kuminah holiday a nih avangin nimin khan Integrated Disease Control Programme huaihawtin hman a ni.

Thisen pe

Sateek Branch KṬP chuan nimin khan State Referral Hospital blood bank-ah blood donation camp an huaihawt a, mipa 25 leh hmeichhia pakuate'n thisen unit 34 an pe.

Zirlai chawimawi

Kolasib-a Salvation Army Hostel for the Blind-a chêng, mit lama harsatna nei zirlai, an

zirnaa ti ṭhate chawimawina hun vawiin khan an sikulah buatsaih a ni a, Kolasib bialtu MLA K

Lalrinliana, minister-in a hmanpui. Inkhawmah hian HSLC 2019 leh HSSLC 2019-a distinction leh first division-a pass zirlai panga hnenah chawmawina an hlan. The Salvation Army Home for the Blind hi April 15, 1977-ah hawn a ni a, zirlai khaw hmu lote a thlawnin chaw leh riahna an pe a ni.

MCSA hruaitu

Mizoram Civil Service Association (MCSA) chuan tun hnai khan kum 2019-2021 chhunga an pawl office bearer turte an thlang a; president-ah K Laldingliana, vice president-ah Florence Zotluangpuii, general secretary-ah

H Lalhmingthanga,

assistant general secretary-ah Lalrohlua, treasurer-ah H Lalchhandami, finance secretary-ah H Lalrinpuia te an thlang.

DC-in enfiah

Kolasib DC Zoengsanga chuan nimin khan Kolasib District Hospital a tlawh a, an dinhmun a zir chiang. Kolasib DC chuan, doctor-te hna chu mipui nena inkungkaih tlat a nih avangin mipui thleng phâk rawngbawlna chu inpekna thinlung nena thawh a pawimawh thu a sawi a, "Damlo enkawlna kawngah dawhtheih a ngai a, ṭawngkam nêm hi damlo tana dampui tham

a tling," a ti.

DAWNTISEI

Salman Khan-a'n Big Boss 13 episode khat zelah Rs. vbc. 13 hlawh dawn

Bollywood superstar Salman Khan chuan reality show, Big Boss season 13-na a host leh dawn a, episode khat zelah cheng vaibelchhe 13 a hlawh dawn nia sawi a ni. Season tluana a hlawh tur hi cheng vaibelchhe 200 a ni hem mai.

Salman Khan hian hun eng emaw chen Big Boss hi a lo host tawh a, nikum khan episode khat zelah cheng vaibelchhe 11 a hlawh a, kum 2018 khan he show aṭanga a hlawh hi cheng vaibelchhe 165 a ni a, kuminah chuan a fee hi a tisang leh a ni.

Big Boss season thar hi ni 105 awh tur a ni a, September - October thla velah tihchhuah a ni ang. Season tharah hian Salman co-host tur hmeichhia a tel dawn nia sawi a ni a, mahse hei erawh sawichian a la ni lo.

Season thara constestant turah hian TV actor Karan patel, Dayanand Shettyu, Karan Vohra, Devoleena Bhattacharjee, Ankita Lokhande leh Zareen Khan-te hming chu sawilan zingah an tel.

Share this Post

Login to comment

No Comments