Basic Services To Urban Poor (BSUP) Housing Complex, Durtlang leitan-a July 2-a leimin vanga chhiat tawkte pualin Zonet, MDM leh Delta Sound ṭangkawpte chuan zanin hian concert an buatsaih dawn. 

Concert hi Dawrpui Multipur­pose Hall-ah buatsaih a ni dawn a, he hunah hian MDM library member lar leh zaithiam tak takte an zai dawn a ni. He concert hi Zonet chuan Zawlbuk leh YouTube channel-ahte en theih turin a pe chhuak dawn a, Delta sound lamin light & sound an thawh dawn thung.

Live phone, phone No - 60330­89347, 6033089271, 8258954634, 8258937343, 6009403463, 6009­264042, 6009257745-ahte a call theih dawn a, mi lar hrang hrangin phone hi an lo chhang dawn a ni. Hemi kaltlang hian ṭanpuina a pek theih ang.

Heta ṭanga sum fai lutte hi BSUP building chima chhiat tawkte hnenah an hlan ang.

He programme a hlawhtlin theihna tur hian BSNL, Vodafone leh Jio-te chuan SIM card an thawh bawk. Mi ṭhahnemngai eng emaw zatin sum an thawh tawh bakah zanin concert chhim turte chu phal ang tawk pawisa thawh turin an ngen a ni.

A hnuaia tarlanah hian ṭanpuina a pek theih ang:-

MDM Account No - 38552650380

IFSC Code - SBIN0013053

Share this Post