Billboard 200: Top 10-ah Taylor Swift album 4 a lang

20th July, 2023

Taylor Swift chuan rimawi khawvelah record a siam chho mawlh mawlh a, Billboard 200 album chart thar berah top 10-ah a album pali an lang ṭhawt a, kum 60 dawn hnua artist dam lai zinga hetiang dinhmun thleng thei hmasa ber a ni.

Billboard 200 album chart tharah Taylor Swift re-record album pathumna, Speak Now (Taylor Version) chu no. 1-ah rawn lang nghalin, equivalent album unit 7,16,000 zet a nei pha a, traditional album sale zat hi 5,07,000 niin, album zingah kumin chhunga kar khat chhunga thleng sang ber a ni pha ve ve.

Kum 33 mi, singer/songwriter hian album chart top 10-ah hian album dang pathum, 'Midnights' (No. 5), Lover (No. 7) leh Folkore (No. 10) a lanpui bawk.

Taylor Swift hma, dam laia top 10-a album pali lanpui thei dang chu kum 1966, April 2-a Hert Alpert-an a album pali, "Going Places"(No. 2), "Whipped Cream & Other Delights" (No. 3), "South of the Border" (No. 9 ) leh "The Lonely Bull" ( No. 10) a lanpui kha a ni.

Swift hi hmeichhe artist zingah Billboard chart-ah no. 1 dinhmun hauh thei album nei tam ber a ni nghal. No. 1 ni thei album 12 a rawn nei ta a, Barbara Streisand record a rawn khum ta a ni.

Morgan Wallen a la ding nghet

Morgan Wallen 'One Thing at a Time' pawh no. 2-ah a la insawh nghet zel. March 3 daih tawha tlangzarh, a studio album pathumna hian kar liam taah khan equivalent album unit 1,04,00 zet a la nei pha.

Chart hmasaa a chung bera awm, Lil Uzi Vert 'Pink Tape' chu n.o 3-ah nek thlak nghal a ni a, equivalent album unit 61,000 a nei. Top 5-ah Peso Pluma 'Genesis' leh Taylor Swift 'Midnigts' an lang bawk.

Billboard 200 Album Chart Top 10

1. "Speak Now (Taylor's Version)" - Taylor Swift (716,000 units)

2. "One Thing at a Time" - Morgan Wallen (104,000 units)

3. "Pink Tape" - Lil Uzi Vert (61,000 units)

4. "Genesis" - Peso Pluma (59,000 units)

5. "Midnights" - Taylor Swift (55,000 units)

6. "Dangerous: The Double Album" - Morgan Wallen (46,000 units)

7. "Lover" - Taylor Swift (45,000 units)

8. "SOS" - SZA (44,000 units)

9. "A Gift & A Curse" - Gunna (42,000 units)

10. "Folklore" - Taylor Swift (33,000 units)