John Lennon a thawhpui loh vangin Brian May a inchhir

Rock band, Queen lead guitarist, Sir Brian May chuan Beatles co-lead vocalist, music legend John Lennon a lo thawhpui lo kha a inchhir thu a sawi chhuak.

Kum 75 mi ni tawh, Brian May chuan John Lennon nena thawh dun theihna remchang a neih chu a lo hnar tih sawiin a inchhir thu a sawi a, thawk dun ta se an inkawp rem thei hlea a rin thu a sawi bawk. John Lennon hi kum 1984 khan kum 40 mi niin kah hlum a ni.

"We Are the Cham-pions" rocker hian Beatles 'Hey Jude' ah khan tel ve a chak thu pawh a sawi bawk. An band ni lo, band danga tel ve a chakna ber pawh 'Beatles' a nih thu a sawi rualin, "Beatle-a tel ve chu thil awlsam tak a ni dawn lo tih pawh ka chiang a ni," a ti a, an documentary 'Get Back' chu a en nasat thu a sawi. Beatles dawtah hian, phalsak ni se chuan Led Zeppelin chu a tel chakna a ni tih a sawi bawk.