Mizo lam thiam Hriata kan chan ta

Mizo lam thiam lar Lalhriatzela, Nintendo tia hriat, Zuangtui Veng chu July 6, 2023 khan kum 25 mi niin a thi. A huan tihfaina lamah current-in manin a boral nghal a ni.

Hriata hi Mizo zinga dance reality show leh competition-a thleng sang ber a ni. 2016 khan Mumbai-a Hip Hop International, Indian National Qualifiers-a 2 VS 2 All Styles Battle-ah Arunachal-a a ṭhianpa nen Gold Medal an la a, 2019-ah Indian dance reality show, Star Plus Channel buatsaih ‘Dance Plus’ ah Top 32 a thleng. Zonet buatsaih U Got Talent 2017-ah Show Buzzer a lo dawng tawh bawk.