Maruti Suzuki Jimny 5-Door tlangzarh

GIG Motors chuan July 5 zan khan Aijal Club Park-ah Maruti Suzuki Jimny 5-door an tlangzarh.

Mizo professional footballer hmasa, S. Malsawmtluanga (Mama) chuan Jimny hi tlangzarhin, Mizo mipate rilrem zawng tak tur nia a hriat thu a sawi. Tlangzarh zan hian mi pali hnenah hlan nghal a ni.

Jimny hi model chi thum- Zeta, Alpha leh Alpha (Dual Tone) a awm a, model tinah manual transmission leh automatic transmission-ah duhthlan tur a awm. Showroom-ah a model a zirin Rs 12,74,000 aṭanga Rs 15,05,000 man thlengin a awm a, Nexa dealership aṭanga hralh chhuah tur a ni.

Ladder-frame chassis-a din a ni a, 3-link rigid axle suspension a nei a, Allgrip Pro 4WD system a nei bawk. 1.5-litre K-series engine a hmang a, Idle Start-Stop technology neiin 105 bhp @6,000rpm leh 134.2 Nm torque @ 4,000 rpm pe chhuak thei a ni. 5-speed manual transmission leh 4-speed automatic a awm a, a fuel efficiency 5-speed MT-ah 16.94kmpl niin, 4-speed AT-ah 16.39kmpl a ni thung. 3,985mm a sei, 1,645mm a zau, 1,720mm a sang niin, a wheelbase chu 2,590mm a ni a, a ground clearance chu 210mm a ni bawk.

Off-roading atan changtlung taka thuam a ni a, approach angle 36 degree, departure angle 47 degree leh ramp break-over angle 24 degree neiin, 3-link rigid axle suspension leh ALLGRIP PRO (4WD) leh low-range transfer gear (4L mode) a nei a, hemi hmang hian 2H two-wheel drive aṭangin a tlan reng laiin awlsam takin 4H four-wheel drive-ah a dah zung zung theih dawn a ni.

A chuangte himna atan Jimny hian airbag paruk neiin, brake limited slip differential, ABS, EBD, ESP, Hill Hold Assist, Hill Descent Control, Brake Assist, rear view camera leh ISOFOX anchors a nei a, dise-impact door beam a neih bakah three-point Emergency Locking Retractor Seatbelts leh seatbelt pretensioner a nei bawk.