ZZ Top album tharah Dusty Hill kutchhuak tel dawn

ZZ Top chuan kum 2012-a studio album, La Futura an tihchhuah hnuah an album thar tur an buaipui mek, Hei hi an member, kum hnih liam taa thi Dusty Hill tel loa band-in record an neih hmasak ber tur a ni a, mahse, an album tharah an bassist thi ta kutchhuak hi a awm dawn tho.

Dusty Hill hi kum 2021, July thla khan hun rei tak a damloh hnuin kum 72 mi niin Texas-a a chenna inah a thi a ni. A thih hnu hian Billy Gibbons leh Frank Beard chuan ZZ Top hi an kalpui chhunzawm zel tur thu an sawi. Hill thih hnuah hian tour nei tawh mah se, studio release chu engmah an la nei lo. Mahse, Classic Rock-in a kawmnaah, Gibbons chuan album thar tur hi an buaipui mek thu a sawi a, an tihchhuah hun tur erawh an la sawi chiang lo.