Zaninah Zo Awi Zunzam Episode 5 - CFL Hmingthanga pual

Zaithiam fam tate puala Doordarshan Kendra, Aizawl-in thla khat dana special programme a buatsaih ṭhin, Zo Awi Zunzam Episode 5-na chu zanin 7:00pm - 9:00pm hian neih a ni leh dawn. DDK Studio, Durtlang aṭangin Live-a pek chhuah a ni ang.

Tun ṭumah hian CFL Hmingthanga pualin hun hman a ni dawn a, zaithiam lar hrang hrangin CFLA hla hrang hrangte an sa dawn a ni. Zaithiam zai turte chu - H.Lalrempuia, David Darlong, Malsawmdawngliana (MSA) Thangromawia Thomte, C.Vanlalruala, C.Dina, K.Lalthlamuankimi leh CFLA ṭhiante an ni. CFLA chanchin documentary bakah thu sawi ngaihthlak a ni bawk ang.

Zo awi Zunzam programme hi DDK leh Zonun band leh Delta sound ṭangkawpin an buatsaih niin, Lalsangzuali Sailo, C.Lalrinmawia, Lallianmawia Pachuau leh Vanlalruati te pualin hun an lo hmang tawh a ni.