Squid Game 2-a changtu tur mi 8 puan belh leh

Netflix chuan Squid Game 2-a chang tur mi pariat hming a puan belh leh.

International hit series season 2-a chang tur puan thar te chu - Park Gyu-young (“Sweet Home”), Jo Yu-ri, Kang Ae-sim (“Be Melodramatic,” “Move to Heaven”), Lee David (“The Fortress,” “Svaha: The Sixth Finger”), Lee Jin-uk (“Sweet Home,” “Miss Granny”), Choi Seung-hyun (“Tazza: The Hidden Card,” “Commitment”), Roh Jae-won (“Missing Yoon,” “Ditto”), leh Won Ji-an (“D.P.”)-te an ni a, an thlalak nen a tichhuak a ni.

A hmain Squid Game-2 a chang tur mi pali - Yim Si-Wan, Kang Ha-Neul, Park Sung-Hoon, leh Yang Dong-Geun te hming chu Netflix hian a lo puang tawh a, season 1 aṭangin Lee Jung-jae, Lee Byung-hun, Gong Yoo leh Wi Ha-jun-te pawh kan hmu leh dawn bawk.

Hwang Dong-hyuk bawk chu season tharah hian writer, director leh executive producer a ni dawn a, Kim Ji-yeon chu exective producer niin, Firstman Studio-in a produce ang.

Kum 2021-a tih chhuah, Squid Game kha an beisei leh rin phak bakin a hit a, Netflix-a series en nasat ber niin darkar tld 2.2 chuang view a nei a, view-tu maktaduai 265.2 hu nei ang a ni. He show hian Emmy nomination 14 zet hmuin, award paruk a la a ni. Lee Jung-jae chuan best actor in a drama series dawngin, Hwang pawhin Emmy for best directing for a drama a dawn phah bawk.