ZEROBASEONE in K-pop group record siam nghal

Entertainment com-pany, WakeOne-in Mnet survival show, Boys Planet aṭanga boy band a din, ZEROBASEONE, ZB1 tia sawi bawk chuan an album hmasa ber tur an tihchhuah hma hauhin record an siam nghal.

Album distributor Genie Music chuan member pakua awmna, ZEROBASEONE album hmasa ber tur, 'Youth in the Shade' chu ni nga chhung lekin stock pre-order 7,80,000 an hmu tawh tih sawiin, K-pop group zinga debut album stock pre-order hmu hnem ber an ni. An mini album hmasa ber hi KST-a July 10, zan dar 6-ah an tichhuak ang.

ZEROBASEONE hian official Instagram account an siam aṭanga ni ruk chhungin follower maktaduai khat chuang an nei hman bawk a, K-pop group zinga kar khat tling loa follower maktaduai nei thei hmasa an ni bawk.