Rebecca leh Youngfella te'n record thar siam

Tunlai entertainment huanga kan artist neih ṭhat ber pawl - Rebecca Lallawmsangi leh Youngfella-te thawhdunna "Hriat Ka Duh" tih hla hit tak chuan YouTube-ah ni ruk chhung lekin views maktaduai 1 a nei tling a, Mizo Music Video zinga maktaduai 1 entu nei rang ber a ni ta!

Rebecca leh Youngfella-te hian an vanglai an hmang mek a, Mizoram hmun hrang hrangah concert-te neiin, hall leh field-ahte entu leng lo khawp mipui an pungkhawm zel thei hian an boruak neih len zia a tichiang mai awm e.

Anni pahnih baka 'hitmaker' hi an awm lo a tih theih a, an hlate hian kum a bithliah lo a, naupang aṭanga puitling thlengin ngaihthlak a hlawh viau zel a ni. Tunlai mil zelin rimawia an inherrem thiam zia a rawn tilang tel bawk a ni.

"Hriat Ka Duh" tih hla hi Rebecca Lawmsangi hringnuna a hmangaihna thawnthu behchhana phuah a ni

nghe nghe. Rebecca Lallawmsangi Music Video tho "Kan khua" tih chu a rawn khum a ni. "Kan khua" music video khan ni 7 chhungin 1 million view a nei a, Guru Gee "Nang ngei i ni" hla khan ni 8 chhungin view mtd khat a nei tling thei bawk.

Mizo hla 1 million view nei rangzual Top 3:-

1. Rebecca & Youngfella - Hriat ka duh (1 Million - Ni 6)

2. Rebecca- Kan khua (1 Million - Ni 7)

3. Guru Gee - Nang ngei i ni (1 Million - Ni 8)