Shakira-i'n Tom Cruise a ngaina lem lo

'Hips don't lie' hla hmanga kan khel bawr min sawi tirtu, Shakira chuan Gerard Pique nen an inṭhen hnuah ngaihzawng dang a melh lem lo niin a lang. Columbian star hi lemchanthiam chul thei lo, Tom Cruise nen sawizawm ni mah se, inlaichinna thar ṭan tumna a neih loh thu a sawi chhuak.

Shakira leh Cruise-te hi May 7 khan Miami-a F1 Grand Prix neih zawhah an inzui lai hmuh an ni a, sawi hat an ni zui nghal. Mahse zaithiam chuan inkungkaihna lam hawizawnga thil a lak loh thu sawi zuiin, a fate leh a eizawnnaah a rilru sawrbing a thlang zawk a ni.

Cruise nen sawizawm a nih mek laiin, Lewis Hamilton nen pawh lawngah chuang dunin hun hlimawm tak an hmang zui bawk. Mahse Lewis nen hian an ṭhiante dang nen hun hlimawm tak hmang mai an nih thu an sawi.