Khiangte Construction Ṭhazual Lengzem; Ruatpuii "Hmangaihtu dik"-i'n a lallukhum la hum

Khiangte Construction Ṭhazual Lengzem chart tharah kar hmasa lama pakhatna leh tunlai hla hit, "Hmangaihtu Dik" chuan a dinhmun ngai rawn chelhin, a lallukhum a hum chhunzawm.

Ruatpuii vanglai kan hmang mek

Tleirawl zaithiam leh danglam Ruatpuii kha tunah chuan a lo puitling ve ta. Ruatpuii 'breakthrough song' hian artist tam tak tih theih loh chu a rawn hlen chhuak thei a ni.

The Highland voice winner leh, You Got Talent (Naupang Category)-a pakhatna dinhmun hauhin, a naupan lai aṭangin vantlang chunglam a ni tih a zai ngaithla ṭhin chuan kan hre tawh a, tunah chuan a chezia thlengin hmuhnawm a tling tawh.

He hla hi Asanga phuah a ni a, Recording hi Tluanga Hnamte (Westend Studio) kutchhuak niin, Video hi Osiama Pictures in a shoot sak a ni. "Hmangaihtu Dik" hian chart chung ber rawn thleng turin kar tam a mamawh lo a, tunlai Mizo hla 'in' ber pawl hian kar thum chhung ro a rel a nih pawhin hnialtu an tam lua lo maithei.

Christina & Eddie

Christina Lalmuanawmi'n 'Zoram nuam' tih MV hmangin Zoram mawi zia a rawn pholang a, Mizo Idol star Eddie Pachuau hla thar 'Lunglawm a kim' chu pathumnaah a rawn inhlangkai bawk a ni.

Heng bakah hian PC Lalrinsanga 'Ka pa ka pa lo haw leh rawh' leh B. Lalpianmawia hla 'Kan Zoram hi' te chu top 5-ah a rawn lang a ni.