Khiangte Construction Ṭhazual Lengzem: tunlai hla hit "Hmangaihtu dik" a chungnung ber

Khiangte Construction Ṭhazual Lengzem chart thar berah tunlai hla hit "Hmangaihtu Dik" chuan a phu ang ngeiin chart chung ber a rawn luah.

Ruatpuii'n a phu

The Highland voice winner leh, You Got Talent (Naupang Category)-a pakhatna dinhmun hauhtu Ruatpuii hian a hmain hla eng emaw zat lo tichhuak tawh bawk mah se, hla hit tiha sawi tur erawh a nei ngai lem lo thung. Tunah chuan naupang zaithiam tak kha a lo puitling tawh a; a chezia leh hlaah rawn lantirin a phu ang ngeiin 'breakthrough song' a rawn nei ta!

Asanga Project nena an thawhdunna "Hmangaihtu Dik" tih hla hi hun rei lote chhungin chart chung berah a rawn hlangkai thei a, streaming service leh tunlai trend ngaihtuah chuan hnial buai theih hauh loin a nihna hi kan ṭawmpui thei awm e.

Ngurthansanga leh Slickjive

Youth Icon 2019 top 10 zinga mi, folk song lama sulhnu nei ṭha Ngurthansanga chuan a hla "Ṭhal awiin Leltepa'n" chu pahnihnaah a rawn lanpui.

Hmasawn chak tak Slickjive pawhin pen thuma rawn san belh lehin an hla thar ber "Luaithlipui ka nul dawn asin" chu pathumnaah awmin, chart tharah chuan pakhatna ni thei turin dinhmun ṭha takah an rawn hlankai pui a ni.

Chart a ngaihnawm zel

Lalrinmawia Chawngthu "Tualchepi Zai" chu palinaah awmin, Christina Lalmuanawmi chuan "Zoram nuam" hmangin top 5 a rawn khar. Heng bakah hian, Eddie Pachuau, PC Lalrinsanga, B. Lalpianmawia, Vanlalduhawma leh YMA Sub Hqrs Zaipawl (2022-2023), Serchhip te rawn langin, chart a hlate hi belhchian an dawlin hla mawi tak tak vek an ni.