Music Video thar nen Youth Icon 2006 star K. Lalremmawia a lo let leh dawn e

Youth Icon, 2006 a 4-na dinhmun hauhtu, Rulchawm khua aṭanga rawn tel - K.Lalremmawia chu music video thar nen a rawn let leh ta!

Remmawia hla thar hi ‘Ava hlu em’ tih a ni a, Kima Chhangte phuah niin a music pawh ama siam vek a ni a, videographer hi JC. Zorema niin Recording hi Biaka, H.C. Recording ah neih a ni.

He hla hi KṬP General Conference-2008, Bilkhawthlira neih ṭum khan Remmawia hian mawi takin a lo sa tawh a, mipui bengkhawn a hlawhin mawi tih pawh a hlawh hle.

Remmawia hi tunah chuan a nupui leh fa pahnihte nen Tuikualah khawsa mekin, Tuikual North Branch KTP Leader a ni mek. Remmawia chuan music video dang chhuak tur a neih nual thu sawiin, recording pawh ngawrh takin a nei chho mek tih a sawi. 'Ava hlu em' tih hla hi MDM Library ah register niin vawiin chhun hian Youtube lamah upload a ni ang.