Shawn Mendes leh Camila Cabello inkar a nung thar

Zaithiam inkawp rem tak ni ṭhin, Shawn Mendes leh Camila Cabello-te chu kum hnih chhung an inzui hnuah November 2021 khan an inkar an tihtawp thu thuchhuah inṭawm siamin an puang a, an hmangaihna thawnthu hi a tawp hlen mai dawn emaw tih laiin khuanu chuan tum lawk a nei nge ni, California-a kumtina huaihawt ṭhin Music and Arts Festival lian - Coachella zan hmasa berah hun hlimawm tak an hmangdun lai hmuh an nih leh. Tun nipui khawlum tak tawndai turin eng chanchin nge an neih zui zel dawn tih hriat a chakawm tawh hle.

Kum 24 mi Mendes leh, kum 26 mi Cabello te hi midang ang bawkin ṭhian aṭanga bul ṭanin, July 2019 aṭangin an in date ṭan a ni. Hemi kum hian "PDA moment" tum eng emaw zat an hmang a, MTV Video Music Awards-ah an pahniha an sak "Señorita" chu an perform nghe nghe a ni.

Covid-19 hripui len lai khan Miami-ah in quarantine dunin, Mendes chuan nasa takin an inkar pawh a ngheh phah tih August 2021 khan a sawi a, mahse November 2021 a lo inher chhuah leh meuh chuan Mendes leh Cabello te hian IG kallangin an inṭhen thu an puangzui leh ta mai a ni. Tun tumah hian eng chen nge an thlen dawn tih chu mipui ngaihven a ni mek a ni.