MOANA chhunzawm dawn

Walt Disney animation 'Moana' chhunzawmna kan hmu dawn a, Dwayne "The Rock" Johnson chuan Maui role a rawn chang leh ang.

Moana film hmasa zawk hi kum 2016 khan tlangzarh niin, khawvel pumah USD mtd 665 lai a thawkchhuak thei a ni. He film hlawhtling tak hi thamral tir mai an tum lo a, Disney CEO Bob Iger leh The Rock-te chuan Thawhṭanni khan Moana chhunzawmna tur project an buaipui mek thu an sawi. "He thawnthu hi kan hnam zia rang lanna a ni a, he thawnthu vek hian kan mite khawngaihna ngahzia leh, sipai ang maia an fei zia a rawn lantir a ni," tiin The Rock chuan he film hi a nun nen pawha inzawmna thuk tak nei a nih thu a sawi.

He project hi tu nge direct dawn a la hriat loh a, he animated film-a hla phuahtu Lin-Manuel Miranda pawh a inrawlh leh dawn em tih hriat a la ni loh a, tlangzarh hun tura ruahman pawh puanzar a la awm lo a ni.