Kim K-i'n a fanu North pualin Skincare leh Toy brand siamsak dawn

A larna hmanga sumdawng thiam tak Kim Kardashian chuan a fanu North tan sumdawnna tur, toys leh skincare line a siamsak dawn tih a sawi.

Report thar berin a tarlan danin, Kim chuan March 10 khan a fanu upa ber North-i'n sumdawnna bul a ṭan theihna atan trademark pali a thehlut tih a sawi niin an tarlang.

An trademark hmasa berah hi "non-medicated skin preparations, skin moisturizers, skin lotions, skin creams, skin cleansers." lam niin, "Skin serums, facial oils, body oils, bath and shower gels, bubble bath, body powders, cosmetics, fragrances, hair care preparations." product hmangtein an sumdawnna hi tihlen zel an tum thu an sawi.

Hetih lai hian trademark pahnihna hi naupang inawmtleina tur, toy line pualin, "toy figures, doll accessories, dolls, drawing toys, infant toys, mechanical action toys, play sets for action figures, soft sculpture toys, bath toys." niin, a trademark pathumna thehluh chu an product vawrh lar tura ṭanlak na, advertising sector-lamah a ni. An trademark palina chu entertainment leh pop culture lamah global computer network kaltlanga thuthar leh intihhlimna lam pechhuak tura hmalakte pawh a tel a, a larna hmanga sumdawng hlawhtling tak Kim K chuan a fanu tan hmalam eng tak siamsak a tum ruh hle.

Skims dintu Kim chuan, a fa pathum dangte - a fapa Saint (7), a fanu Chicago (5), leh a fa naupang ber Psalm (3) te tan pawh product eng emaw zat siamna turin trademark hi a thehlut niin an tarlang.

Kim hi Kardashian-Jenner chhungkua zingah an fate tana trademark siam hmasa ber a lo ni hauh lo. Kylie Jenner chuan Travis Scott (II) nena an fanu Stormi Webster tan skincare line hi an lo siamsak tawh bawk a ni.