Stage piah lamah Harry Styles leh Emily an tál na

Harry Styles chuan Olivia Wilde nena an thawnthu hluite chu kalsanin, tunah chuan model luck tak Emily Ratajkowski nen Tokyo kawtthlerah tual an chai dun leh ta!

Video thar ber aṭanga a lan danin, One Direction member Harry leh American model leh lemchanthiam Emily-te hi ṭhian satliah angin an khawsa hauh lo a, social media lama an video leh thlalak en tawh in nih fur avangin an awm dan hi sawi thui a ngai awm lo e.

Harry hian kum riat kal taa interview a neihnaah Emily chu a 'celebrity crush' a nih thu a lo sawi tawh a ni.

Kum 29 mi 'As it Was' hitmaker hi Japan-ah Love On Tour series neiin hun a hmang mek a ni. Thla hmasa khan Harry hian a kawppui hlui Olivia kalsanin midang a kawp niin khawthlang media te chuan an tarlang a, tunah chuan sawifiah leh chuan ngai loin an rawn lantir ta.

Hetih lai hian, Emily hian nikum September thla khan a pasal hlui, film producer Sebastian Bear-McClard chu bumhmang tiin inṭhenna lehkha a lo thehlut ve bawk a ni. Emily hian kumin kumtir khan dating khawvela mi bik Pete Davidson nen pawh sawizawm an ni hman a, mahse hun rei vak loh hnuah an inkar hi a zuzi zui a ni.

Kum 39 mi lemchanthiam Olivia Wilde leh Harry-te pawh hun eng emaw ti chhung an inzui hnuah nikum September khan 'ngaihtuahna thuhmun an pu thei lo' tih vangin inṭhen zai an rel ve bawk.