The Rock-a fanuin WWE-a zawm ta

The Tonight Show host Jimmy Fallon chuan Dwayne 'The Rock' Johnson a kawmnaah The Rock chuan a fanu kum 18 mi Simone Johnson chuan World Wrestling Entertainment (WWE)-ah contract a ziah tak thu a sawi.

"Ka fanuin ka hnung a rawn zui tur hi ka tan chuan chawimawina ropui tak a ni a, kum 16  anih aṭangin ka fanu hian WWE-a lut thei tur hian traning a nei tawh a ni. Tunah chuan a tuina a luhchhilh dawn ta a, ka chhuang hle a ni," a ti.

Simone Johnson hi The Rock-te chhungkua aṭanga wrestling lama kal chhuan lina tur a ni a, kum 2001 August 14 khan Florida-ah piangin a pa hnung a zui dawn ta a ni. Tunhnaiah khan WWE a zawm dawn thu hi sawi a awm zeuh zeuh tawh a, tunah erawh a takin a thleng ta a ni.