'Methuselah' film Danny Boyle-a'n a direct dawn

'Yesterday' director Danny Boyle chuan khawvela mihring damrei ber 'Methuselah' film a direct dawn.

'Methuselah' film siam tur hian Warner Bros. leh Danny Boyle-te hian inremna an ziak tawh niin khawthlang media-te chuan an sawi a, Bible behchhana film siam tuarah hian Michael B. Jordan chu Methusela lemah a chang dawn a ni.

Slumdog Millionaire leh 127 Hours-te pawh hlawhtling taka lo direct tawhtu Danny Boyle hian heng film pahniha a thawhpui Simon Beaufoy chu a thawhpui leh dawn niin an sawi a, ani hian script a ziak ang. Outlier Society bakah David Heyman leh Jeffrey Clifford-te chu producer tur an ni bawk.

Warner Bros. hian kum 2017 aṭang tawh khan 'Methuselah' project hi an kalpui ṭan tawh a, a tirah chuan Jerry Bruckheimer-a'n a direct dawn nia sawiin, Toim Cruise leh Will Smith hmingte pawh an sawi ri hman zuai zuai a ni.

Danny Boyle film siam tihchhuah hnuhnung ber chu 'Yesterday' kha a ni a, James Bond movie thar ber 'No Time To Die' direct tur khan an ruai zet a, mahse producer-te nen an duhdan a inmil loh avangin nikum August khan he project hi chu a bansan thung.