Bangladesh Fashion Week 2023 ah Charlee Mathlena thuamhnawte phochhuak

Bangladesh khawpui, Dhaka-a Fashion Design Council of Bangladesh-in a buatsaihah Heritage Mizoram by Charlee Mathlena chuan Mizo puantah hmanga thuamhnaw an siamte an phochhuak. Fashion Week-ah hian designer 32 te thuamhnaw siam chu model-te'n runway ah phochhuakin, India ram aṭangin designer paruk sawm an ni. He Fashion Week in a tum chu kut themthiamna hmanga puan tahchhuah aṭanga thuamhnaw siam, mi tam zawkin an hak theih tura market lama puih, Slow Fashion/ Sustainable Fashion tih lar leh, ngaihhlut bakah khawvel huap fashion industry-ah danglamna thlen a ni.

Slow Fashion/Sustainable Fashion chu eng nge?

Kan chenna khawvel leh a chhunga awmte tichhe lo zawnga inthuamna siamchhuah hi a ni. Chutiang siamna hmanrua bangte pawh paih mai lo a ṭangkai taka hman chhunzawm, kan chenna leilunga thil awmte humhalh zawnga hmalakna, conscious consumption hi a thupui ken a ni. Hei bakah hian, a tahtute leh a siamchhuak tute'n hlawkna tam zawk an hmuh a, khawtlanga intluktlanna, social justice a awm theihna atana chutiang mite dawmkan chu a thil tum a ni.