MISS CHAPCHAR KUT 2023 atan Venghnuai nula Lalrammuani thlan a ni

Mizorama kan kût ropui ber, Chapchar Kût neih zawh takah Aizawla a lawmna pui ber, AR Lammuala Mizo thuam inbel zingah a ṭha thlan khawm zinga a ṭha berah Venghnuai nula Lalrammuani chu thlan a ni.

Diktawn Monthly Magazine chuan March 3, Chapchar Kût ni khan Mizo thuam nena inchei hmeichhia 20 an thlan chhuah hnuah, tehfung hrang hrang hmanga endikna an kalpui hnuin top 10-te hi an thlangchhuak leh a ni.

Top 10-te hi Inrinni liam ta khan Vogue Resort-ah fuihna thu leh, Pathian hnena hlanna an nei a. Hemi hnu hian Result puan zui nghal niin, Best Costume (Adult, Teenage leh Kids Category)-te lawmman hlanna neih hmasak a ni a, Miss Chapchar Kut 2023 Judge-ten lawmmante hi an hlan.

Miss Chapchar Kût hian lawmman atan Rs 50,000 bakah Citation leh Photo Frame a dawng. Runner up-te hian lawmman atan Rs. 5,000/- bakah Citation leh Photo Frame an dawng a, Top 10 chinte hian Pu Lalhmachhuana Zofa lehkhabute an dawng ṭheuh bawk a ni. Top 3 chin te hi Foreign Tour neihpui an ni dawn bawk a ni.

MISS CHAPCHAR KUT 2023 - LALRAMMUANI