Hailey leh Justin-ten fa an la nei hnai lo

Hailey Bieber leh Justin Bieber-ten fa an nei dawn hnai tiha thuthang darh mek chu Hailey chuan rawn chhangin, fa an la neih mai loh tur thu leh a la rai loh thu a sawi chhuak.

Tun hnai chhoah Hailey rai thu hi social media platform hrang hrangah a darh chiam a, mahse, Hailey chuan heng zawng zawng hi thubelhchian dawl lo mai an nih thu a sawi.

Hailey leh Justin-te hi kum 2018 khan New York City courthouse-ah a rûkin an innei hmasa phawt a, October 7, 2019 khan a vawi hnihna atan mipui hriatah a nghetin an inkutsuih zui a, vawiin thlenga celebrity nupa inkawprem leh ngaihven hlawh ber an la ni reng a ni.