Miley Cyrus-i'n album thar nen nipui a khuhhawng dêr

Miley Cyrus chuan nipui khuhhawnnan nimin khan a studio album pariatna "Endless Summer Vacation" chu a tlangzarh. Kum 30 mi pop superstar chuan a album thara hla awm chungchang chu Los Angeles hmangaihna lehkha thawn tiin, he album hi Los Angeles-a an record vek a ni a, Kid Harpoon, Greg Kurstin, Mike WiLL Made It leh Tyler Johnson-te a thawhpui a ni.

Miley album thar "Endless Summer Vacation"-a a lead single "Flowers" chu a hlawhtling rem rem hle a, Billboard Hot 100 leh Billboard Global charts lamah kar ruk chhung pakhatna dinhmun hauhin, Miley hian a rimawi zinkawnga a thlen san lai ber a hmang mek a ni. He album vang bawk hian a rilru leh taksaah chakna leh hriselna thar a chharchhuah phah tih a tarlang.

Nimina album a tihchhuah rual hian a single pahnihna "River" music video chu a tichhuak nghal bawk a, hei bakah hian Brandi Carlile ("Thousand Miles"), Sia Furler ("Muddy Feet") "Jaded", "Handstand", "Violet Chemistry" leh "Wonder Woman" te hi a hit leh viau tura beisei an ni bawk.