Lili Reinhart channa ‘Chemical Hearts’ Amazon Prime-ah

Riverdale star Lili Reinhart channa 'Chemical Hearts' chu August 21-ah tlangzarh a ni dawn tih Amazon Studios chuan Ningani khan an tarlang a,  Amazon Prime Video-ah a en theih ang.

‘Chemical Hearts’ hi romance lam a ni dawn a, love story lam tuipuitute en duh tur chi a ni dawn. Lili Reinhart hi  Austin Abrams nen an chang dun dawn a, nikum June aṭang khan New Jersey-ah an chang ṭan tawh a ni.

Rawlthar kum 17 mi, ngaihzawng la nei ngai lo Henry Page (Austin Abrams) chuan a senior year ni hmasa berah transfer student Grace Town (Reinhart) a tawng dawn a, chu chuan a nun a thlak dan leh an inngaihzawn chhoh dan vel tarlan a ni dawn.

Krystal Sutherland novel 'Our Chemical Hearts' behchhana siam a ni a, Lili Reinhart hi producer zingah a tel ve bawk a ni.