Bilboard; Kar 5 chhung No. 1 ni thei SZA 'SOS'

American singer, SZA studio album pahnihna 'SOS' chuan Billboard 200 albums chart-ah a rorelna a la chhunzawm zel. Kar nga chhung chu a zawnin pakhatna ni tawhin, kar liam ta khan equivalent unit 1,25,000 chuang a hralhchhuak leh hem mai.

Kum 2022 hnuah album pali chauhin kar li aia rei pakhatna dinhmun hi an luah thei. Chungte chu SOS, Taylor Swift 'Midnights' (kar nga), Bad Bunny 'Un Verano Sin Ti' (kar 13) leh Encanto soundtrack (kar kua)-te an ni.

SZA hi hmeichhe artist ropui Mariah Carey leh Janet Jackson-te huangah a rawn inbarhlut chho mek a, R&B album hlawhtling ber pawl ni thei turin kailawn ṭha tak a zawh mek a ni.

Rapper, YoungBoy Never Broke Again album thar 'I Rest My Case' chu top 10-a hming rawn lang thar niin, pakuanaah a rawn inhlangkai a ni. Top 10-ah hian kar hmasa lama kan lo hmuh tawh, Taylor Swift, Harry Styles, Metro Boomin, Bad Bunny, Drake leh Morgan Wallen-te hmel kan la hmu a ni.