Ed Sheeran kha Niall Horan lakah ka rinawm loh san lo : Ellie Goulding

Kum tam tak hnuah Ellie Goulding chuan Ed Sheeran nen an inzui laiin One Direction star, Niall Horan a kawpsan loh thu a sawi.

Ellie leh Niall-te hi August, 2013 khan an inkarah ri ret ret a awm nia sawi a ni. Hemi hnu lawkah, Ellie hi Ed Sheeran nen MTV VMA-ah inhuat loh hmel taka an awm dun lai hmuh a ni ve leh bawk.

Kum 2014 khan, Ed chuan a zaithiampuiin a rinawm lohsanna lam hawi hla "Don't" chu a tichhuak ve leh. Hei vang hian fans tam tak chuan Ellie hi Ed phatsanruah an ngai a, Niall a kawpsan nia ngai tawk an tam phah hle.

Ellie leh Ed-te hian tunah chuan kawppui hran ve ve nei tawhin, August 31, 2019 khan Ellie hi Caspar Jopling nen an innei a, 2019 vek, January thla khan khan Ed chuan Cherry Seaborn nen an inneih thu hi puang ve lehin, fa pahnih an nei tawh bawk a ni.