Khawvela ran hlu zual thlan chhuahah Taylor Swift zawhte Olivia Benson a lang USD mtd 97 hu zet neiah an chhut!

Social media khawvelah chuan influencer leh celebrity mai ni loin, an ran vulhte thlengin an social media post kaltlangin sum ṭhahnem tak an hailut chho mek.

All About Cats website-in a tarlan danin, Taylor Swift-i Scottish cat, Olivia Benson tiha koh ṭhin hlut zawng chu USD maktaduai 97 vel zet niin an chhutsak! Pui tak a ni.

Swifties-te chuan he zawhte chanchin hi kan hre fur tawh mai thei. June 2014 khan a kawl ṭan a, Law & Order: SVU character Mariska Hargitay hming chawia a sak a ni.

Olivia hi "Blank Space" leh "Me!" music video-ahte a lo lang tawh a, he zawhte hian ama pualin merch hran te neiin patches, pin, pen, sticker leh stud earring-te a zuar ṭhin a. Ran sumdawng hlawhtling tak a ni.

Ran hausate chu

Taylor-i zawhte chungah USD mtd 100 hu Nala Cat chu pahnihnaah a lang. Nala hian IG-ah followers mtd 4.4 chuang zet neiin, khawvela zawhte follower ngah ber a ni a, zawhte zinga IG follower ngah ber record chelh lai a ni.

Pakhatnaah hian German shepherd ui, Gunther VI chu rawn langin, Italian media company lian Gunther Corporation vulh lai a ni. He German shepherd hlut zawng hi USD mtd 500 vel zet niin an chhutsak hem mai.

Heng list-te hi Instagram analytics leh social media post kaltlanga an sum lakluh aṭangin an chhutsak. Kum 2020 khan, Swift chuan ṭhuthlengseia Olivia ṭhu lai thlalak hi lo tarlang tawhin like mtd 2 chuang zet a hmu a ni.