Mi harsate tan Metallica luangchhuak dawn

Metallica band chuan Paramount+ nen thawkdunin "Helping Hands" concert-ah an inlan dawn. He show hi Jimmy Kimmel chuan a host dawn a, December 16-ah Microsoft Theater, Los Angeles-a neih tura ruahman a ni.

American heavy metal band Metallica hian kumtinin "Helping Hands" Concert leh Auction kaltlang hian mi harsate tana luanchhuahna hunpui hi an buatsaih ṭhin a ni. He special show hi kum thum an hmanna niin, kawng hrang hrang - food banks, zirlaite tan scholarship leh khawtlang inkaihhruaina lam thlengin an pui ṭhin a ni. Show aṭanga an sum hmuh zawng zawng hi band All Within My Hands foundation tan hlan a ni ang.

Kumina show an neih turah hian special guest Greta Van Fleet an ni ang.

Paramount+ chuan he concert hi December 17-ah U.K., Latin America, Italy, Germany, Switzerland, Austria leh France-ah a pe chhuak dawn a, December 18-ah Australia-ah leh, nakkumah South Korea-ah a tichhuak dawn bawk a ni.