Leo leh Gigi thawm a lian zel

Leonardo DiCaprio leh Gigi Hadid inkar chuan thawm a rawn nei lian chho zel a, an pahnih hian Manhattan, New York-a restaurant an chhuahsan lai hmuh a ni.

Titanic star Leo leh a bialnu hlui Camila Morrone-te chuan kum nga chhung an inzui hnuah August thla khan an inkar hi an titawp. September thla khan kum 47 mi, Leo leh supermodel Gigi-te hi New York Fashion Week-ah an inzui lai hmuh ṭan a ni a, tunhnai khan Brooklyn Navy Yard-ah Halloween party an hmang dun lai hmuh an ni bawk.

Report ṭhenkhat tarlan danin, Gigi chuan a bialpa hlui Zayn Malik nena an fa, kum hnih mi Khai chu Leo hmuhtir a la inpeih loh thu a sawi tawh a, "Gigi hian Leo a hrechiang chho zel chauh a ni a, a fanu hmelhriattir tur chuan hun a mamawh deuh dawn a ni," tiin Gigi-i nu Yolanda Hadid chuan a sawi.