Rimawi khawvelah RIHANNA a lo kir dawn

Barbadian singer, actress leh businesswoman, Rihanna chuan a cosmetic brand Fenty Beauty leh fashion house Fenty buaipuia sumdawnna lamah hun a hman hnuah, hun rei tak a lo chawlhsan tawh rimawi khawvelah a lo let leh dawn a, November 11-a tihchhuah tur 'Black Panther: Wakanda Forever' pualin single thar a tichhuak ang.

Online lama thuthang tam tak a awm hnuah Marvel Studios chuan nimin khan he thu hi an nemnghet a ni. Company hian teaser tawi tichhuakin, film hming hnuaiah morph angin "R" tih inziahna chu an tichhuak a ni.

Tun thla tir lam khan, Rihanna single thar hi 'Black Panther' film tawp lamah a lan tur thu leh Zirtawpni hian tlangzarh an tum thu an sawi.

Rihanna hian kum 2016 khan album 'Anti' chu a tichhuak a, tun hi pop icon-in kum ruk hnua hla a tihchhuah lehna hmasa ber tur a ni.

Rimawi a chawlhsan kar lakah rapper ASAP Rocky nen an fa hmasa ber an nei.

Thla hmasa khan February 12, 2023-a Glendale, Arizona-a neih tur, Super Bowl LVII halftime show headline tura puan a ni.

January thla khan, Rihanna-in kum 2012-a Mikky Ekko nena an hla 'Stay' chuan Youtube-ah tluklehdingawn chuang entu a nei tling tawh bawk.