Yamaha Fiamthu Fest ṭan a ni ta

Yamaha Fiamthu Fest chu Thawhleh zan aṭang khan ṭan a ni a, nizan khan elimination round zawhfel a ni. Fiamthu Fest-ah hian contestant 40 vel an awm a, top 20 result chu October 7 zan hian puan a ni ang a, second round ṭan nghal a ni ang.

Inelna hi The Grand Hotel, Chanmari-ah neih a ni a, Zonet Rimawi-ah live-a pekchuah ṭhin a ni. Judge hi Pu P.L Liandinga, Sangzuala Pachuau leh Pu Lalhruaitluanga Sailo-te an ni a, Sangtei Renza leh Samie Pachuau-te'n an host a ni. Fiamthu Fest hi Yamaha-te'n an sponsor a ni a, pakhatna hian lawmman Rs. 1,00,000 (Nuai khat) a dawng dawn a, Pahnihna Rs. 50,000/- leh Pathumna Rs. 30,000/- te an dawng ang. Hei bakah hian top 10-a tling, mi pasarihte hnenah Rs. 5,000/- theuh pek an ni bawk ang.