Adele A vocal cord a chhia

Zaithiam tan chuan vocal cord hi a va pawi­mawh si êm! Adele pawh a vocal cord a chhiat avang­in a zai chhunzawm thei lo a, a show neih hmabak pawh a cancel vek.

Mizoten aw bâwm kan tih mai, vocal cord avanga buaina hi Adele hian hma aṭangin a lo nei fo tawh a, hmun ṭhenkhata a zaina turah phei chuan a zai ṭhat theih loh a hlauh avangin a hmaa lo inenlawk vel pawh a ngam loh phah ṭhin. Hetiang hian inveng viau mah se, show a ngah si a, a aw bâwm hian a tlin ta lo a ni.

Adele vocal cord a chhiat tak avang hian Inrinni leh Pathiannia Wembley Stadium, London-a show a neih tur pawh a ṭhulh a ngaih phah dawn. He concert hi Adele-i concert tour hnuhnung pahnih a ni. Nikum February thla aṭang khan Adele hian tour a nei a, show pawh vawi 121 zet a nei tawh.