'Goodfellas' actor Paul Sorvino a thi

American lemchan thiam, mobster classic film 'Goodfellas'-a hnehsawh taka Paulie Cicero lem a chan vanga khawvelin a hriat lar, Paul Sorvino chu kum 83 mi niin Indiana-ah Thawhṭanni khan a thi.

Paul Sorvino thupuangtu Roger Neal chuan 'awmlai' vanga thi a nih thu sawiin thuchhuah a siam a, a nupui pawhin a thih thu hi thuchhuah siama tarlang ve bawkin a pasal chu screen leh stage-a chuangkai tawh zinga performer ropui ber zinga mi a nih thu a sawi.

Paul Anthony Sorvino hi Brooklyn-a piang leh seilian niin, kum 1970-a tihchhuah 'Where's Poppa?' chu a film inlanna hmasa ber niin film 80 vel laiah a inlan hman a, kum 2021-a tihchhuah 'The Birthday Cake' chu a film inlanna hnuhnung ber a ni ta a ni. 'Goodfellas' bakah hian kum 1996-a tlangzarh, Leonardo DiCaprio leh Claire Danes-te channa 'Romeo + Juliet'-ah pawh khan a chang a, heng bakah hian film hlawhtling tak tak eng emaw zatah a inlan bawk a ni.