Scream 6-ah Jack Champion leh Liana Liberato

'Avengers: Endgame' lamah pawh lo inlan zuai tawh Jack Champion leh 'If I Stay' star Liana Liberato-te chu Scream 6-ah an chang dawn.

Jack Champion leh Liana Liberato-te role chan tur hi tarlan a la ni loa, amaherawh chu Scream film hmasa lama kan hmuh tawh Melissa Barrera, Jenna Ortega, Jasmin Savoy Brown, Mason Gooding, leh Hayden Panettiere-te kiangah an inlan ngei dawn tih erawh a chiang tawh a nih hmel.

Scream 6 hi karleh lamah hian an chang ṭan tawh dawn a nih hmel a, Matt Bettinelli-Olpin leh Tyler Gillett-te chu director tur niin nakkum March thlaah hi chuan tlangzarh hman a tum a ni.

Scream film hmasa ber chu kum 1996-a tlangzarh ni tawhin kumtirah khan a film pangana chu tlangzarh a ni a, $mtd 140 vel sum a hmu chhuak tawh a ni.