Netflix Squid Game reality TV show buatsaih tum

Khawvel huap pawha series lar ber pawl Squid Game behchhanin Netflix chuan reality TV Show buatsaih a tum a, chu show chu 'Squid Game: The Challenge' tia a hming vuahin competition winner chuan $maktaduai 4.56 a hlawh thei dawn a ni.

Series ang tak tak kha chuan thih leh dam inkar em em chu a ni dawn loa, amaherawhchu player 456-te tana chânna nasa ber tur chu $maktaduai 4.56 an dawng lo tur chu niin Netflix chuan tarlangin, an show buatsaih tur chu reality TV chanchina vawi khata sum hlawh chhuah theih tamber ber a ni dawn tih an sawi.

'Squid Game' hi kum 2012 kum chawhnu lamah khan Netflix-ah tihchhuah niin Netflix-a series en hlawh ber a ni a, season 2 an tichhuak leh dawn tih pawh an tichiang tawh a ni.

'Squid Game: The Challenge' hi UK lamah an film dawn a, tun dinhmunah chuan English ṭawng hmang thei chiang an tel thei dawn niin an sawi. Kum 21 chin chunglam tan a tel theih dawn a, nakkum kumtir lama buatsaih tur niin kar li chhung vela buatsaih fel hman an tum a ni.