TobyMac album thar August-ah

DC Talk hunlai aṭang tawha Kristian rimawi khawvelin a hriatlar tawh TobyMac chuan August 19 hian album thar 'Life After Death' a tlangzarh dawn.

Kum 2018-a 'The Elements' a tihchhuah hnuah khan TobyMac hian album puitling a la tihchhuak leh loa, 'Life After Death' hi a album puitling tihchhuah leh hmasak ber tur niin a studio album pakuana tur a ni bawk.

Album thar tihchhuah hun tur a puanzar rual hian a album thara mi tur 'The Goodness (feat. Blessing Offor)' chu single-in a tichhuak nghal a, a hmaa a lo tihchhuah tawh '21 Years' leh 'Help Is On the Way (Maybe Midnight)'-te pawh kha he album-a mi tur ni niin The Christian Beat chuan a tarlang a, hla 15 a awm dawn niin an sawi bawk a ni.