ULB election engmah lo mai a ni : Nagaland Governor

Nagaland Governor P B Acharya chuan Urban Local Body (ULB) chu tribal pawl hrtang hrangte nawrna avangin engmah lo maiah a chang ta niin NIngani khan a sawi.

Governo chuan, State Election Commissioner Sentiyanger Imchen chuan ULB election neih hun tur chu nikum December 21 khan a lo puang tawh tih sawiin, tunah erawh engmah lo maiah a chang ta a ni, a ti. February 2 khan state Cabinet chuan election neih hun tura ruatah inthlanna kalpui theih a nih tak loh avangin engmah lo maiah a chang ta tih a lo puang ve tawh bawk. State Election Commission (SEC) chuan Governor pawmpuina an lak hnuah election atana inbuatsaihna chu tihtawp lailawk a nih thu a puang tawh bawk.

Hetih lai hian Naga tribal group-te chuan election neih hun tur tichiang turin sorkar an kar ve mek thung. Ruahman dan chuan municipal leh town council 32-ah election hi neih tura tih a ni a, hmeichhe tana seat 33% hauhsak duh lohna avangin kal tlangpui theih a ni ta lo a ni. Nagaland Tribes Action Committee (NTAC) leh Joint Coor­dination Committee (JCC)-te chuan sorkar chu thutlukna lo siam tawh sut leh turin nasa takin an bei a, tribal pawl hrang hrangten an thlawp a ni.

CM Zeliang chuan sorkar thutlukna siama lungawi lote hi inbiakna neihpuiah a sawm a, tribal pawl hrang hrangte chuan an pawm loh thu an sawi. Naga Hoho, Gaon Burhas, Eastern Nagaland Peoples’ Organisation leh Central Nagaland Tribes Council-te chuan sorkar nena inbiakna neih an duh loh thu hi an puang tawh a ni.