Red Kettle aṭanga sum hmuh sem chhuak

Salvation Amry ten midang ṭanpuina tur atana Red Kettle Service an buatsaih chu Decem­ber 18, Thawhlehni khan zawhfel a ni a, heta ṭanga sumlutte hi nimin khan semchhuah nghal a ni.

Red Kettle Service hi Decem­ber 7 khan Millenium Centre tual zawlah Central YMA president Vanlalruata chuan a kick-off a, Corps hrang hranga SAY leh bandsmen-ten an fehchhuahpui zui a ni. Mi inphalte hnena aṭanga sum tlingkhawm hi Territorial Headquarters-ah chhunluh a ni a, veng hrang hranga YMA-te berawnin mamawhtute hnenah ṭanpuina hi semchhuah a ni ta a ni.

Semchhuah inkhawm programme hmanpuitu Commissioner Lalzam­lova, Territorial Commander chuan, "Kan chhehvela an duh reng vang pawh ni lova dinhmun harsa zawka awm mek te tanpui theitua Sipai Pawl kan awm hi Pathian malsawmna a ni. Dinhmun harsa zawk a awm mekten Christmas leh kumthar hlim taka an hman ve theihna tura Red Kettle-a sum thawhtu zawng zawng te chungah lawmthu kan sawi a, Lalpan a let tam takin malsawm rawh se” a ti.

Ṭanpuina sum hi chhung­kaw 33 hnenah Rs. 5000.00 ṭheuha semchhuah a ni a, Damdawi-in pasariha Poor Fund-ah Rs.20000 ṭheuh an hlan bawk. Hei bakah hian Tawngtai Bethel Camping Centre, Chawnpuia-ah Rs.50000.00 an pe bawk a ni.