Lalthlamuana lehkhabu pahnih- 'Saihnuna Sailo leh a hlate' leh 'Mathematical Trick' tlangzarh

Lalthlamuana lehkhabu buatsaih pahnih 'Saihnuna Sailo leh a hlate' leh 'Mathematical Trick' chu nimin khan MJA Press Club, Treasury Square, Aizawl-ah R. Hmingthanzuala, Director, Art & Culture Department chuan a tlangzarh.

Tlangzarh inkhawm hi John Zothansanga, 'Savun Hampuar' lehkhabu ziaktu chuan kaihruaiin 'Saihnuna Sailo leh a hlate' lehkhabu thlirlawkna hi Dr. H. Laldinmawia, Asst. Professor, Pachhunga University College chuan a nei a, 'Mathematical Trick' hi R. Lalduhawma chuan thlirlawkna a nei ve bawk.

Lehkhabu pahnihte hi dawr hrang hrangah lei tur a awm nghal dawn a, 'Saihnuna Sailo leh a hlate' tih hi Rs. 140 man niin 'Mathematical Trick' hi Rs. 200 man a ni a,phone number 9862324937-ah ngaihven theih a ni bawk.