Iggy leh Island Records inṭhen fel ta

Australian rapper Iggy Azalea chuan a lo sawi lawk tawh angiin Island Records nen an inremna chu a titawp ta tih a puang a, hla thar a tichhuak thuai dawn tih a sawi bawk.

Black Widow singer Iggy Azalea hian record label te nena inremna neih chu kawng tam takah harsatna a awm niin a sawi a, zalen tawk loah a inngai a ni. Zalen tak awm a, a duh lam hawi theih a chak thu a sawi bawk. He thu a sawi aṭanga ni tam pawh a liam hmain Island Records nen inremna an neih mek chu a titawp ta a ni.

Kum 28 mi hmeichhe rapper Iggy hian hemi chungchang hi Twitter kaltlangin a tarlang a, "Ka zalen ta! Tunah chuan ka duh leh ngainat zawng eng music pawh ka tichhuak thei ta" tiin a tarlang. Chutih rual chuan Island Records te nen an lo thawho tawhnaah lawmthu a sawi a, thil chinchhiah thlak tak a nih thu a sawi.