Rehab aṭangin Demi Lovato a chhuak leh si!

Kumin chhung chu rehab-ah hun a hmang tluan tawh dawn emaw tih laiin, rehab aṭanga a chuah thu an tarlang leh ta tlat mai. American singer Demi Lovato hi rehab aṭangin a chhuak a ni sa tliah mai lo va, designer lar Henry Levy nen sawizawm an ni.

Kum 26 mi Demi Lovato hi ruihhlo avanga a tal buai hnuah hun eng emaw chen rehab-ah a awm a, kar hmasa lawk pawh khan kumin chhung awm tluan tur anga tarlan a ni. Mahse beisei aia hmaah a chhuak a, Henry Levy nen hian tun weekend kha an hmang dun niin an sawi. Zanriah an kil dun a, an hlim hle niin mita hmutute chuan an sawi. An thlak pawh social media lamah hmuh tur a awm nual a, anmahni lam erawh an la ngawi thung.

'Sober' singer Lovato hian rehab-a a awm hun chhung tur chu a tling tlak hnuah a chhuak niin an sawi. July thla khan ruihhlo hmansual avangin nikhaw hre loa a awm hmuh a ni a, hospital-ah dah luh a ni. Hemi hnu hian rehab-ah dahluh zui a ni a, ni 90 vel zet chu a awm hman a ni.