Billboard 200 Album Chart ; 'A Star Is Born' nekchhuak thei la awm lo

Lady Gaga leh Bradley Cooper te chuan 'A Star Is Born' soundtrack hmangin Billboard 200 Album Chart-ah No.1 an hauh leh ta a, a zawna dinhmun sang ber an luahna chiah a ni. Lady Gaga leh Cooper te hian nekchhuak theitu an la tawng lo zel a, eng chen nge No.1 an hauh theih dawn tih chu hriat chakawm tawh tak a ni.

Tun ṭum Billboard 200 Album Chart-ah hian Universal Music Group (UMG) hnuia awm te an che ṭha a, No.1-6 theng an hauh fai vek a ni. Tun laia album hralh kal ber 'A Star Is Born' sound track hi American rapper Quavo album 'Quavo Huncho' chuan a dawt. Lil Wayne album Tha Carter V chu pathumna-ah awmin, Gunna & Lil Baby te album Drip Harder chu palina a ni.

English singer Ella Mai chuan a hming chawia album a tihchhuah ' Ella Mai' chu pangana niin, Candian rapper Drake chuan album hit 'Scorpion' chu parukna a nihpui bawk. Heng zawng zawng hi UMG hnuia awm te an ni a, Billboard 200 Album Chart hmangin an hlawhtlinna an tarlang a ni.

Hralh kal ber erawh 'A Star Is Born' soundtrack a ni fan a, American singer Lady Gaga leh actor Bradley Cooper te el phak an awm lo. Lady Gaga leh Coper te hi an inkawp fuh hle a, film leh music huangah hlawhtlinna an chang ve ve a ni.

'A Star Is Born' hi Box Office-a sum lalut tam zual top 3-ah kar thum chhung a lang tawh a, a original soundtrack pawh Billboard 200 Album Chart-ah a zawna dinhmun sang ber luah thei a ni.