Maruati Hnamte hla thar 'Ka thlang nawn zel fo vang che' Zaninah

Mizo Gospel singer zinga huhang ngah ber pawl Maruati chuan zanin hian kumin chhunga a music video hmasa ber 'Ka thlang nawn zel fovang che' chu YouTube-ah a dah chhuak dawn.

Maruati hla thar hi nizanah khan Zonet lamah chuan tihchhuah a ni tawh a, TV lama thlira ngaithla hman lote tan zanin dar 7 aṭang hi chuan duh hun huna hmeh chhuah theihin a awm tawh dawn a ni.

Kum thum chhung a zawna Ṭhazual 'Best Female Artist Gospel' Award dawng thei Maruati hla thar tur hi a mawi leh ang tih a rinawm a, a teaser aṭang ringawt pawhin a hla a ṭhain a mawi leh dawn tih a chiang. A hla tihchhuah apiang a 'hit' emaw tih tur khawpa zai thiam Maruati hi Ṭhazual chart lamah pawh a che ṭha ṭhin a, YouTube lama a hla dahte pawhin thlirtu a ngah ṭhin hle.