Duchess of Cambridge-in naupang thawnthu chhiar dawn

Britain lal chhungkaw monu, Duchess of Cambridge Kate Middleton chuan Children's Menal Health week pualin CBeebies Bedtime Story-ah hun a hmang dawn.

Kum 40 mi, Kate hian naupang thawnthu bu a ngainat tak zinga mi, Jill Tomlinson ziah, 'The Owl Who Was Afraid of the Dark' a chhiar dawn a ni. He thawnthu hi a fate pathum, Prince George (8), Princess Charlotte (6) leh Prince Louis (3)-te a chhiarsak a, Children's Mental Health Wee-a tihchhuah tur hian January thlaah Kensington Palace-ah video hi an buatsaih a ni.

Duchess thawnthu chhiar hi an ram huna February 13 zan dar 6.50-ah tihchhuah a ni dawn a, lal chhungkaw zinga CBeebies Bedtime Story-a inlan hmasa ber tur a ni.

Children's Mental Health week hi February 7 -14 chhung hman a ni ang.

Bedtime Story-ah hian mi lar tak tak an lo inlan tawh hlawma, Tom Hardy, Susanne Jones, Dolly Parton leh Captain America Chris Evan-te pawhin naupangte tan thawnthu an lo chhiarsak tawh a ni.