South Pole aṭanga North Pole zin tur Will Smith

Will Smith chu National Geographic nen an thawkdun leh dawn a, chu an thawhdunna hnuaiah chuan khawvel chhim tawp aṭangin hmar tawpah a zin a ngai dawn.

Nat Geo series 'Welcome to Earth'-a a team-te nen Will Smith hi tuna an project thar turah hian an thawkho leh dawn a, a series hming tur chu 'Pole to Pole' tih niin Disney+ lamah stream theihin a awm dawn a ni. Will Smith hi amah a inlan dawn bakah hian producer a ni bawk ang.

He show-ah hian Smith leh a film crew-te chuan khawvel an fang kual dawn a ni ber a, ni 100 chuang chhunga an hun hmanho dan thlirho theih turin an chhawp chhuak dawn a ni.

Engtikah nge an tihchhuah dawn erawh an la puangzar lo thung.