Madame Web lemah Dakota Johnson chang dawn

Comics chhiar ṭhinte chuan Madame Web hming hi an hre sa viau tawhin a rinawm. Fifty Shades star Dakota Johnson chu Madame Web lemah hian a chang dawn.

Spider-Man comics aṭanga mite hmelhriat Madame Web lema Dakota Johnson chan tur thu hi khawthlang media-te chuan an tuipui hle a, Sony Marvel universe film tur niin standalone superhero movie a ni dawn. Sony hian hmeichhia title role superhero movie an vawi khat siamna tur a ni nghe nghe a, chu chuan ngaihven a hlawh zual phah viau.

Variety lamin an tarlan dan chuan inremna an la siam chiah loa, mahse a chiang tawh thung a ni.

Madame Web hi The Amazing Spider-Man #210, November 1980-a tlangzarhah a vawi khatna atan a lang a, writer Denny O'Neil leh artist John Romita Jr,-te character siam chhuah niin mutant a ni a, animated series lamah pawh a lang fo tawh.

Dakota Johnson hi kum 32 mi ni tawhin Fifty Shades film series-a a chan aṭangin hriat a hlawh a, kumin chhung hian a film channa thar ber 'Persuasion' chu tlangzarh a ni bawk ang.