Chris Evans leh The Rock chang dun dawn

Amazon Prime Video-a pek chhuah tur action comedy film 'Red One'-ah Chris Evans leh Dwayne Johnson an chang dun dawn.

He film hi kumin chhung hian an chang ṭan hman dawn a, action-adventure comedy film tur niin Jake Kasdan (Jumanji franchise) chuan a direct dawn a ni.

Dwayne Johnson chuan he film-ah hian a chang dawn tih hi a puanzarna a rei leh deuh tawh a, kartir lamah khan Chris Evans chu he project-ah hian a tel ve dawn tih puanzar ni lehin he film hi kum 2023-a tlangzarh hman turin ruahmanna an siam. Johnson leh Evans-te hi 'Free Guy'-ah khan lo inlan dun zuai tawh mah se a changtu ber ang erawh chuan an la inlan dun ngai loa, 'Red One' hi pangngai taka an thawhdunna hmasa ber tur a ni dawn.